Gans-Berg Nuus / News | 4 September 2026
Stay up to date with the latest news, stories and happenings from Gansbaai and the surrounding Overberg area.
Ons Verpleegsters verdien 'n groot applous
Meimaand is tradisioneel Verpleegstersmaand - en wat 'n wonderlike voorreg is dit nie om hierdie mense diep vanuit die harte van die gemeenskap te bedank vir die wonderlike werk wat deur hulle verrig word nie. Hierdie dankbaarheid word ook vanuit die geledere van ons span by die Gans-Berg Nuus aan ons verpleegsters oorgedra.
Alle versorgers, verpleegsters, susters en selfs manlike verpleërs word hierby ingesluit. In Gansbaai kan verwys word na Herberg-aan-See Tehuis vir Bejaardes, Huis Mattanja, Gansbaai Kliniek, Pathcare, Gansbaai Hospice, Ikamva Jeugontwikkeling, Klinieksuster, Mobiele Klinieke en baie meer, ook in ons omliggende dorpe, soos Hermanus Hospice en al ons hospitale.
Dit is algemeen bekend in die geskiedenis dat die 'Verpleegingsberoep' sinoniem is met die naam: Florence Nightingale (12 Mei 1820 - 13 Augustus 1910). Sy was 'n invloedryke figuur in die ontwikkeling van moderne verpleging.
Hardus Botha
