Gimnastiek om van te kies en keur

By Semonn Steyn se Allergo rythmic gymnastics in Kerkstraat, kan daar behoorlik gekies en gekeur word tussen 'n wye verskeidenheid van gimnastiek-tipes - alhoewel sy eers teen middel April met klasse vir 'n klompie kleingoed begin het. Dit is Arobatic-, Aerobic- en Rhythmic gymnastics tot by Rope skipping en Trampoline gymnastics, Women's gymnastic en, doodeenvoudig, Gymnastics for all! Ouderdomsgroepe begin by 3 jaar en ouer.

Die hoofkantoor van Allergo rythmic gymnastics is in Kaapstad deur Semonn se ma oopgemaak, waar daar tans sowat 150 studente is. Semonn het vir sowat 5 jaar vir haar ma gewerk, waar sy haarself ook gekwalifiseer het. Daarna het sy besluit om haar eie klub, maar onder dieselfde naam, in Hermanus oop te maak, waar sy ook woon. Vir haar klub in Gansbaai, ry sy op Maandae en Donderdae om klas aan te bied. Tussen haar twee klubs in Gansbaai en Hermanus, het Semonn tans sowat 54 studente. 

Semonn bied haar Gansbaai-klasse op Maandae en Donderdae vanaf 13:30 tot 18:00 in die Nic-Mar sentrum in Kerkstraat, oorkant Mustang Sally aan. Vir navrae kan Semonn Steyn by 079 540 1179 geskakel word.

Hardus Botha