Courier Guy Locker vir Franskraal

Goeie nuus vir Franskralers, asook omliggende gebiede - 'n 'Courier Guy Locker' is by Franskraal Minimark aan die buitekant geïnstalleer, met al die nodige instruksies wat volledig daarop aangebring is. Dit was Franskraal Minimark se eienaar, Natasha, se inisiatief om die 'locker' daar te kry. “Ek het die firma sowat 'n jaar gelede al met al die inligting gekontak, maar nooit weer iets van hulle gehoor nie,” vertel Natasha. “Sowat 6 maande gelede het hulle my toe gekontak en ek het weer al die nodige inligting aan hulle gestuur.” 

Nou is die 'The Courier Guy Locker' deur die firma, 'The Courier Guy' tot voordeel van die gemeenskap geinstalleer. Natasha sê die publiek het nou nie nodig om in die winkel oor pakkies te kom navraag doen nie. Vir navrae is daar 'n WhatsApp nommer, 064 848 1531, op die 'locker' saam met die instruksies aangebring. “Ek glo daar sal groot belangstelling in die benutting van hierdie diens aan inwoners wat van koerierdienste gebruik wil maak, wees.” het Natasha gesê.

Hardus Botha