Kombersies en Handskoene vir laaste Winterkoue

So vir die laaste stuiptrekkings van die winterkoue, het Herberg aan See (HaS) se inwoners 'n tydjie gelede snoesige kombersies en warm handskoene gekry - ook net betyds voordat erge koue weer op ons toegesak het.

Hierdie is 'n jaarlikse projek van Marie de Jager om warm gebreide items aan HaS se inwoners uit te deel, kom al jare aan. Marie het 'n span knap Bietoubos-breiers wat haar met die breiwerk help. “Vanjaar het ons sowat 60 kombersies en pare handskoene uitgedeel,” vertel Marie. “Ons het vanaf die siekeboeg tot by die kamers en woonstelle uitgedeel en niemand is oorgeslaan nie.” Selfs enkele personeellede (onder protes!) is daarmee verras, met die Gans-Berg Nuus se joernalis (ook onder protes!) wat jouwerklikwaar ook 'n kombersie gekry het vir wanneer hy voor sy rekenaar sit en werk!

Die kombersies en handskoene is met groot dankbaarheid ontvang en is sommer dadelik 'in gebruik' geneem. Enkele Bietoubosdames het Marie met die uitdeel daarvan gehelp.

Hardus Botha

Zoom

Zoom

Zoom

Zoom

Zoom