‘Wit Kersfees’ in Uilenkraalsmond
Lesers wat nie die voorreg het om ‘n ‘Wit Kersfees’ (White Christmas) oorsee te kan ervaar nie, gaan loer gerus in by Plot 1...
Bietoubos Damesklub
Geopende Deure se skokkende statistieke.
“Ons byeenkoms van 10 Mei 2022, met emeritusleraar, ds Dries van der Merwe, ‘n vrywillige werker vir Geopende Deure as ons gasspreker, was met interessante, maar ook skokkende inligting gevul,” vertel Elizma de Lange van die klub. “Dié nie-winsgewende organisasie is 'n stem vir vervolgde gelowiges in meer as 60 lande waar daar teen Christene gediskrimineer word,hulle in tronke gegooi word of selfs vir hulle geloof vermoor word, of net verdwyn.”
Elizma sê die toehoorders was geskok om na al die statistieke wat op ‘n daaglikse basis met Christene wêreldwyd gebeur, te luister:
1-7 Christene word vervolg; 16 Christene word doodgemaak; 14 geboue word aangeval; 17 Christene word in hegtenis geneem; 11 Christene word ontvoer.
“In Noord-Korea word die meeste Christene vervolg,” het Dries gesê. “Hier gebruik hulle dikwels onskuldige kinders om inligting te bekom of hul ouers Bybels besit of nie en dan is dit nie ongewoon dat sodanige ouers net op ‘n dag verdwyn nie.” Dries sê om dit nog meer duidelik te stel: Noord-Korea is die land waar gelowiges die meeste vervolg word. Dries het ‘n boek, ‘Missing in North Korea’ deur Jan Vermeer, vir die dames gelos om ondermekaar te sirkuleer.
Elizma sê by die aanhoor van dié en nog meer inligting, het die gaste opnuut besef dat ons nooit dankbaar genoeg kan wees vir die godsdiensvryheid wat ons nog in Suid-Afrika kan geniet.
Die gesellige maandelikse kuiers met heerlike verversings bly deel van die byeenkoms. Dan is daar natuurlik ook die hardwerkendes wat agterna vir die skottelgoed moet sorg! Die gaste kry ook kans om persoonlik met die gasspreker te gesels en vrae te vra. Dit alles maak dit die moeite werd om 'n oggend saam met die Bietoubossers te spandeer.
Hardus Botha
