Emosionele Klavierspel: Uit Die Hart
Lara se klavierspel voer sy op soos wat die gevoel in haar opkom.
“Indien Gansbaai Brandweer nie so vinnig gereageer het nie, sou die huis in geheel afgebrand het,” vertel Edith Kennedy van Gansbaai. “Hulle het daarin geslaag om die brand te blus voordat dit vanaf die studeerkamer en kombuis na die res van die huis versprei het.” Edith en haar vriendin, Tinkie Testa woon alleen in die huis en was duidelik erg getraumatiseer en geskok oor die helfte van die huis wat aan die binnekant verwoes is.
Hierdie traumatiese gebeure het homself Dinsdagnag, 6 Julie 2022 in Mullerstraat 12 om ±23:00 afgespeel. ‘n Kers, wat tydens beurtkrag bo-op ‘n boekrak gestaan het, het omgeval - die studeerkamer was binne ‘n ommesientjie in vlamme gehul. Edith kon net-net daarin slaag om haar skootrekenaar te gryp en na buite te hardloop. Die vlamme het binne sekondes deur die oop deur na die kombuis versprei. In hierdie twee vertrekke is letterlik alles tot as verbrand. Kombuistoerusting soos ‘n yskas, mikrogolf, stoof, kaste, kruideniersware en dies meer, is vernietig.
Die studeerkamer is ‘n diep-hartseersaak vir altwee die dames. Hulle onderskeie beroepe is alles op aanlynwerk gebaseer. WiFi-kabels, jare se kosbare en onvervangbare boeke, lêers, dokumentasie, CD’s met inligting, ‘honderde’ foto’s met sentimentele waarde, skilderverf en -doeke (canvas), die drukker - te veel om hier te noem is verbrand. Selfs die pleister aan die mure in die studeerkamer, het afgeval.
Edith is ‘n lektor wat aanlyn-klasse aanbied. Sy skryf ook Curriculum vitae’s en modules vir besigheidskole, asook boeke. Sy is ook lief vir kook en al haar kookboeke is daarmee heen, selfs dié van haar twee oumas wat onvervangbaar is. Met verwysing na haar oorsese reise na sowat 19 lande, met foto’s en inligting wat sy versamel het, asook haar volledige stamregister wat daarmee heen is, kon Edith nie meer haar trane tydens die onderhoud met Gans-Berg Nuus keer nie - dit het vryelik gevloei. Die verliese wat gelei is, kan nooit weer vervang word nie. Een ligpuntjie vir haar is dat haar agt (8) katte steeds veilig by haar is. “Hulle is almal ‘rescue’ katte en vir my is hulle soos my kinders,” vertel sy.
Tinkie is onder andere ‘n kunstenaar, met van haar skilderye, verf en ander toerusting wat nou tot niet is. “Ek skryf ook boeke, maar baie van my nuutste inligting is verlore,” vertel sy. Sy het sedert die begin van die jaar by Edith kom woon. Edith woon al sowat 2½ jaar in haar pa se huis wat aanvanklik die gesin se vakansiehuis was.
“Dankie is ‘n klein woordjie, maar ons sê só baie dankie aan Morné en Carina Pietersen, Secma, Raadsdame Riana de Coning, Kat Myburgh van Gansbaai Munisipaliteit, bure en belangstellendes wat almal kom hulp aanbied het,” sê Edith. “Maar veral ‘n groot en spesiale dankie aan Gansbaai Brandweer se personeel wat so vinnig op die toneel was.” Sy sê hulle het nie net uitstekende werk verrig het nie, maar ook met simpatie teenoor hulle opgetree.
Raadsdame de Coning het reeds begin met die moontlikheid van hulp aan Edith en Tinkie. Indien daar belangstellendes is wat graag iets vir hulle wil doen, kan hulle vir Edith Kennedy by ??? ??? ???? of vir Tinkie Testa by 066 089 5795 skakel.
Gans-Berg Nuus is a weekly bilingual community newspaper serving Gansbaai and the surrounding Overstrand areas. With a front page that alternates between Afrikaans and English each week, Gans-Berg Nuus / News is proud to be a platform that stays up to date with local news stories, important municipa...
View ProfileXplorio is your local connection allowing you to find anything and everything about a town.
Read MoreLara se klavierspel voer sy op soos wat die gevoel in haar opkom.
The Gans-Berg News is aware of several Birdwatchers in our area who are interested in Anton’s interesting workshops.
“Die belangrikheid van trauma-berading moet nie onderskat word nie,” sê Sers Abigail Naidoo
“Met dié dat AVBOB Begrafnisdienste ons op 9 April 2024 besoek het, sou mens dink dat die atmosfeer maar stroef sou wees - toe is dit allesbehalwe die geval," vertel Elizma de Lange.
“The Open Day was primarily to give the visitors an opportunity to see the foundation's programmes and the work that we do," said Penelope Goemans.
Gansbaai Wynproegilde se suksesverhaal het geen einde nie - die gilde groei van krag tot krag, met die een byeenkoms so gesellig soos die volgende een.