‘Wit Kersfees’ in Uilenkraalsmond
Lesers wat nie die voorreg het om ‘n ‘Wit Kersfees’ (White Christmas) oorsee te kan ervaar nie, gaan loer gerus in by Plot 1...
Birkenhead Boothengelklub: Hengelaars verras met mooi geelbekke
Die Birkenhead Boothengelklub se maandelikse boothengelkompetisie van Saterdag, 16 Julie 2022 het ‘n klompie mooi geelbekke opgelewer, asook rooistompe (Miss Lucy’s). Die klub se nuwe dame, Miems Burger, het goed weggespring met twee pragtige geelbekke, waarvan een 5.30kg ingeweeg het. Die klub sien uit na meer sulke vangstes, Miems!
Kompetisie-uitslae
10 bote het ingeskryf, waarvan 7 ingeweeg het. Die totale bemanningslede was 30, waarvan 3 dames is wat deelgeneem het - en goed gevaar het. Twee juniors het ook deelgeneem. Die aantal visse (6 spesies) wat ingeweeg is, was 60, met 'n totale massa van 98.95kg.
Volledige uitslae
Swaarste vis, Rick Kuises (geelbek, 5.70kg); 2 x 2de Swaarste visse, Miems Burger en Norman Kemm (geelbekke, 5.30kg elk); Swaarste sak, Ben Uys (10.05kg); 2de Swaarste sak, Rick Kuises (8.40kg); Swaarste bootgemiddeld, Mynedie van Bev Swart (6.30kg); 2de Swaarste bootgemiddeld, Oupa van Ben Uys (6.225kg).
Verdere uitslae was nie beskikbaar met die ter perse gaan van hierdie berig nie.
