R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Die pragtige, skoon strande wat die Overstrand bied, word op die oomblik goed benut deur vakansiegangers wat vlug van die dolle gejaag tussen verkeer, verpligtinge en geboue.
Hier kan jy met jou hond kom stap, vir kilometers aanmekaar fietsry, jou verroeste hengelvernuf opskerp en die groot oseaan aandurf met ‘n plank, ‘n boot of paddaskoene – in kort: Dit is oase van genot!
Uilenkraalsmond is die ideale plek om jou jaar mee af te sluit. Riette Venter van Rustenburg en Monica Hayes het gaan foto’s neem.
Die twee manne wat so lekker baai in die son, is onbekend, maar Nolene Kini van Richmond vertel dat dit hulle eerste vakansie in Gansbaai is. Hulle is verlief op die plek en gaan vir twee weke tuis in ‘n vakansiehuis in Kleinbaai. Op die oomblik kyk hulle uit vir ‘n erf om te koop, want hulle wil vir die res van hul lewens hul twee weke vakansie hier kom spandeer. Die besige twee seuntjies op die voorgrond is haar seuns, Ethan en Angelo. Shaun October, ‘n familie-vriend vanuit Victoria-Wes staan links met Akhona Kili, Nolene, Zelda October en Shane October regs.
