“Toe Hy uit die skuit klim, het Hy die groot menigte mense daar gesien. Hy het hulle innig jammer gekry en die siekes onder hulle gesond gemaak.” Mat 14:14
Ai, daar kom dae wat jy sekerlik ook wens daar is iemand wat jou kan verstaan, weet hoe jy voel as jy hartseer, bang of sommer net ongelukkig is. Goeie nuus – daardie Iemand is Jesus! Jy kan nou Sy arms om jou voel en jy mag jou kop teen Sy bors leun!
Dit is juis wat GOD wou hê toe Hy Sy Seun na hierdie aarde toe gestuur het. Sodat Jesus presies kon deurgaan wat jy ervaar en voel – sodat jy kan weet dat Hy regtig verstaan hoe jy nou voel. Want anders as ons, het Jesus nie net kom kyk wat kan Hy vat nie, maar wat kan Hy kan gee!
(Jy moet Matteus 14 deurlees om te weet waardeur Jesus op een dag moes gaan in Sy lewe!)
Jesus hoor Sy vriend en neef Johannes die Dopers is onthoof en Hy probeer wegkom om ‘n bietjie alleen te wees, maar die skare mense volg Hom oral – en in plaas daarvan om hulle weg te stuur lees ons: “Toe Hy die menigte sien het Hy hulle innig jammer gekry!” Jesus kyk weg van Sy eie hartseer – en sien die skare raak!
Dit is ’n GOD van LIEFDE! Dit is wat Jesus aan ons kom wys het – dat ons ’n GOD dien wat ons nood, pyn en hartseer verstáán. “Ja, maar” hoor ek jou sê, “Jesus was immers GOD se Seun, Hy kon dit doen.” Dis amper soos wanneer ‘n pa sy klein seuntjie leer om ‘n bal te skop – en die seuntjie naderhand moedeloos sê: “Ag, Pa! Dis maklik vir Pa, want Pa is gróót!” Nee, dink daaraan dat Jesus jou só goed ken omdat Hyself deur pyn, versoeking en hartseer moes gaan – sodat Hy jou beter kan verstaan!
Kyk hierna: Jesus het die skare voor Hom goed geken – Hy het geweet hulle is diewe, leuenaars, prostitute – en al het Hy geweet dat hulle nog gaan sondig – het Hy hulle genees! Hoekom sal Hy dit nie ook vir jou doen nie! Jy is tog net so spesiaal vir Hom soos al Sy ander kinders! Dink mooi! GOD ken al jou foute – en nogtans gee Hy die beste vir jou! Hy weet dat jy Hom in die toekoms gaan teleurstel en tog gee Hy jou elke dag Sy liefde en genade, onverdiend!
GOD se goedheid word nie deur jou belangrikheid bepaal nie, maar deur Sy natuurlike liefde – Hy wil jou liefhê – soos jy is! Niemand is onwaardig vir Jesus nie - Hy doen goed aan almal! – Moet ek en jy nie dan ook almal spesiaal behandel nie?
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
