“Skynheilige! Haal eers die balk uit jou eie oog uit, dan sal jy goed kan sien om die splinter uit jou broer se oog uit te haal.” (Mat 7:5)
Het jy al christene die volgende hoor sê?
“Ek wil nie sleg praat nie, maar dis darem erg hoe hy....” “Moenie dink ek kritiseer haar nie, maar die manier waarop sy......” “Ek wil nie oordeel nie, maar as jy darem sien wat hy alles aanvang...”
Is jy ook een die hierdie “skynheilige” christene wat in jou gedagtes die hele tyd oordeel oor “ander” mense wat rook, drink, dans, uitspattig lewe, en noem maar op al die dinge wat jou irriteer? Hoor wat sê Jesus: “You Hypocrite!” “Jou skynheilige!”
Jy mag nie ‘n waarde-oordeel oor ander mense uitspreek nie – want dieselfde oordeel sal ook na jou toe terugkom – van GOD af!
Hoekom mag ons nie ander oordeel nie? As jy agter Jesus aanloop as Sy dissipel is jou doel nie om as regter op te tree nie, maar om die Koning se volgeling te wees. As jy dan wel iets teen jou broer het, bid vir hom! (Mat 5:44; Jak 5:16) Natuurlik kan ons nie ander se sonde en foute aanvaar nie - maar Jesus verbied ons om die sondaar te straf. Hoe straf ons hulle? Deur hulle te oordeel, nie met hulle op die regte tyd daaroor te praat, of nie vir hulle te bid nie! Onthou altyd hoeveel genade jy alreeds van GOD ontvang het!
Hoekom oordeel ons dan as christene so maklik ander mense? Jesus stel dit duidelik as Hy jou eie sonde met ’n dik stuk hout, ’n balk in jou oog, vergelyk. (Eina, dit maak my oog só seer op hierdie oomblik!) Die fout wat jy in ’n ander een se oog raaksien is slegs ’n splinter – ’n baie klein stukkie hout! En waar kom hierdie splinter vandaan? Van jou balk af! Ja, eintlik sal jy nooit foute in ander mense raaksien as jy die balk eers uit jou eie oog verwyder het nie. Iemand het eenkeer gesê: Al die foute wat ek in ander raaksien, is in myself teenwoordig! (Cherie Carter Scott – If life is a game, these are the rules)
As jou fokus op Jesus is en jy Sy volgeling is – sal jy weet Hy het al jou sondes volkome vergewe – en jy sal ophou om ander mense, groepe of kerke oor elke dit of dat te wil veroordeel – want Jesus sê jy mag nie oordeel nie! Hoeveel makliker sal ons as mede-gelowiges nie met mekaar oor die weg kom as ons mekaar met verskille en al aanvaar nie!
“Wees altyd beskeie, vriendelik en geduldig, en verdra mekaar in liefde.” (Ef. 4:2)
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
