Die wenners van boeke, met vlnr Leonie Botha, Lettie van Deventer, Bokkie Loubser, Tersia Coetzee (Naledi Uitgewers) en Ronel de Villiers
“Ten spyte van die reën en stormwind het die Bietoubossers op 13 Augustus die kategesesaal volgepak en hulle het behoorlik gekuier,” vertel Elizma de Lange van die Bietoubos Damesklub van Perlemoenbaai en De Kelders. Hulle het vir Tersia Coetzee van Naledi Uitgewers genooi om as gasspreker op te tree. Sy het vertel dat sy en haar man, Johan, dié Uitgewers aanvanklik alleen begin en beman het. “Onlangs het Melt Myburgh van Woordfeesfaam by ons aangesluit,” het Tersia gesê. Die naam, Naledi, is ‘n woord uit Noord-Sotho wat “Ster” beteken. Boeke soos onder andere Die Lanternswaaiers van SD Fourie, Spoor van die Perlemoenstropers van Johan Fourie, Pitkos van ST Potgieter en Amoré Bekker se Resepteboek is al deur Naledi Uitgewers uitgegee. “Die Bietoubossers het vinnig tot die besef gekom dat die uitgee van ‘n boek ‘n enorme werk is,” sê Elizma. Tersia het gesê die kostes vir die uitgee van ‘n boek is die Uitgewer se risiko - daarom is dit van kardinale belang dat behoorlike bemarking gedoen moet word. Vir ‘n gemiddelde boek moet 2000-3000 boeke verkoop word net om die kostes daaraan verbonde te dek. Elizma vertel dat daar 'n lekker bonus vir die besoekers was: 4 pryswenners is deur middel van hulle lootjietrekking aangewys. “Elkeen van dié vier dames het ‘n boek as geskenk van Naledi Uitgewers ontvang.” Dirk en Eva Büchner van Huis Breda het tussendeur gesorg vir aangename luistergenot met hul pragtige samesang. Daarna was die smaaklike eetgoed en saamkuier die laaste strooi om die gaste van die triestige weer te laat vergeet en almal kon huis toe keer met genoeg warmte in die hart.
Die Bietoubossers se volgende byeenkoms is op 10 September 2013 en vir navrae kan Annette van Zyl by 028-384-1075 gekontak word.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
