Ek het glad nie ‘n idee waarvandaan hierdie resep kom nie. Dis ‘n los stukkie papier wat ek in ‘n laai gevind het en indien ek plagiaat pleeg, vra ek vroegtydig om verskoning. Ek kon die versoeking egter nie weerstaan nie en behalwe vir die resep as sulks is die manier waarop dit geskryf is, sommer net “lekker”. Ek plaas die resep volledig en onveranderd, soos ek dit gevind het.
Galjoen op die strand
Maak ‘n gat van 60 cm in deursnee en 30cm diep in die sand. Maak ‘n vuur in die gat -- ‘n grote, vir baie kole. Drink intussen ‘n goeie dop of twee. Draai die heel, skoongemaakte en gegeurde galjoen toe in veelvoudige lae nat bruinpapier.
Plaas die vis sonder om te vrees in die middel van die kole en bedek liggies met sand. Drink nog ‘n dop en ná 30 minute sal jy tot jou skok ‘n verbrande massa uit die gat haal.
Laat dit effens afkoel. Sny oop en trek die papier en vel van die vis af. Wat dan voor jou lê, is koningskos!
Wie dit ookal geskryf het, baie mooi!
Hier is ‘n paar gesegdes, wat baie interessant is:
‘n Sloer (paar bossies vis),
bordvol (klaar genoeg gevang),
kyk hoe galak is hy (geel in die gesig),
riemhou (teen die stroom hou),
moenie in my “chumline” gooi nie (jy vang in my lokstroom),
helikopter (knorhaan),
deckload (dekvrag),
twakkie (mooi-nooientjie),
wanty-wanty, tik-tak (enkel visse),
pak slae (in rowwe water beland),
outjol (haai),
loodskool (snoek byt net op die lood),
parrie (rog, pylstert),
PW (rooistompneus),
kortbroek (baber).
Lekker lewe, Seemeeu
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
