‘n Deel van Sea Stars se netbalspan wat Maandagaand hard aan die oefen in sterk, koue wind was
“Op 17 Augustus het ons daarin geslaag om Hawston se A- en B-spanne in gruwelike weer te klop,” vertel Bertruline Dickson van Sea Stars Netbalklub. Die A-span het met 27-16 gewen en die B-span met 22-14. Op 31 Augustus is die Sea Stars na Bredasdorp waar hulle die “gevaarlike” Happy Hearts Netbalklub vir hulle finale wedstryd aangedurf het. Daar het hulle ook geseëvier, met die A-span 29-10 en die B-span 12-11. “Ons liga-wedstryde is nou agter die rug en die top 4 gaan nou gespeel word, maar die datum sal later bekendgemaak word,” sê Bertruline. “Met 10 wedstryde, waarvan net een teen Kleinmond verloor is, bekleë ons nou die eerste plek.” Bertruline bedank graag die span se getroue ondersteuners en die talentvolle spelers, asook vir Wynand Plaatjies wat gereeld die span se “Taxi driver” is. Sy sê die spelers is nou deeglik gemotiveerd en “belowe om die beker in Gansbaai te hou!” Sea Stars is ook besig met fondsinsamelingsprojekte en voorbereiding vir die SA Weskustoernooi in Velddrif. “Die liga-wedstryde het die klub se finansies bietjie seergemaak en ons sal enige vorm van borgskappe opreg waardeer,” sê Bertruline. “In totaal benodig ons sowat R15,000, waarvan ons reeds sowat R10,000 met die samewerking van ons spelers ingesamel het.”
Belangstellendes word herinner aan die volgende fondsinsamelingsprojek, ‘n dans te Stanford op 27 September. Kostes van kaartjies beloop R50, waarby R30 vir vervoer ingesluit is.
Navrae kan aan Bertruline by 072-707-5687 gerig word.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
