Die jaarlikse NGK Jukskeitoernooi op Saterdag, 26 Oktober was weer eens met groot opgewondenheid gevul. Agt spanne met 4 spelers in elke span het mekaar die stryd aangesê - ‘n predikantespan en 7 streeks-spanne (32 spelers). Die predikante kon ongelukkig nie vanjaar saamspeel nie, maar hulle span is uit vrywilligers saamgestel: Deon Joubert, Lumbert Fick saam met Pieter en Toeks Moore, wat toe as die wenspan geëindig het.

Die res van die uitslae is soos volg: 2de - De Kelders 1; 3de - Franskraal 2; 4de - Kleinbaai 1; 5de - Franskraal 1; 6de - Kleinbaai 2; 7de - De Kelders 2; 8ste - Pearly Beach. Die suksesvolle toernooi is deur Dirk van der Westhuizen en Toeks Moore gereël en die spanne se sameroepers was ds Willie Kotze (predikante), Lukas Geldenhuys (De Kelders 1 en 2), Francia van Dyk (Kleinbaai 1 en 2), Toeks Moore (Franskraal 1 en 2) en John Swart (Pearly Beach).

Dit was ‘n “gemaklike” toernooi met reëls betreffende afstande wat gegooi is wat nie streng toegepas is nie en die wenners van die kompetisie is deur uitspeelwedstryde bepaal en nie deur die totale aantal punte nie. “Baie dankie aan Gansbaai Munisipaliteit, al die deelnemers en al die helpers wat almal daartoe bygedra het dat die toernooi weer eens suksesvol afgeloop het,” sê Toeks.