Die bediening sending het hierdie jaar verskeie aksies geloods en hoogtepunte gehad waarvan sommige hier uitgelig word.

Plaaslike sending- en uitreikaksies:  Die plaasbediening in B’bos gaan in 2014 op die dieselfde tyd as die kerkdiens plaasvind. Dit sal net in ‘n ander lokaal wees. Die Plaasbediening se afsluitingsfunksie was op Baardskeerdersbos op 1 Desember 2013.

Pinksterweek Mei 2013: Die klem het in dié week sterk op sendingwerk geval. Evangelis Bonginkosi en sy vrou Lindiwe Mthembu, wat op uitnodiging van die sendingbediening ons gemeente besoek het, het dienste in B’Bos en Pearly Beach en die VGK Plaasbediening bygewoon. Ons gemeente ondersteun evangelis Bonginkosi nou reeds ’nklompie jare en dit is wonderlik om te hoor hoe God se koninkryk in Makhathini (ook in Bonginkosi se streek) groei. Bongi se ma is nou onlangs oorlede. Bongi en Lindiwe stuur groete en bedank nogmaals die gemeente vir die ondersteuning, gebede en onvergeetlike besoek in Mei. Hulle verseker die Gansbaai-gemeente ook van hul gebede en bid almal ‘n geseënde Kersfees en nuwe jaar toe.

Pinkstermaal met die Pinksterafsluiting:
Die Pinkstermaal wat reeds etlike jare aangebied word is op die laaste Vrydagaand  deur die sendingbediening aangebied. ‘n Onvergeetlike geleentheid! Die sang van die laerskoolkoor van Alana Louw was pragtig en ons sê vir hulle nogmaals dankie.

Planne vir 2014:
Hulle wil ‘n groep bymekaar kry om volgende jaar  Makhathini en Transkei te besoek. Meer inligting sal spoedig deurgegee word. Dit beloof om ‘n heerlike toer te wees.

Sendeling in Rusland:
Ernst Toerien van Rusland beplan om ons gemeente in April 2014 te besoek.