Tydens die erediens, 20 Okt. 2013, is die gebed van Teilhard de Chardin deur Ds. Willie Kotze gebid met die oog op die biddag vir ons bejaardes.

“My Vader in die hemel, na Wie ek op pad is,

wanneer die ouderdom my liggaam en later ook my verstand aanraak;

 wanneer die siekte wat my gaan aftakel,

en uiteindelik my dood mag beteken, my begin aantas;

wanneer die pynlike oomblik aanbreek dat ek sal moet aanvaar:

ek is oud en siek; ja, in die donker dae wat voorlê,

Here, het ek een troos: die wete dat u my nooit sal verlaat nie;

dat U my tree vir tree op die reis begelei - en reeds aan die einde daarvan vir my wag”.

Bron: Groot gebedeboek: Lux verbi. BM, p288