Nuwe intrekkers (lidmate en kinders) in die gemeente word twee keer per jaar amptelik in die gemeente verwelkom. Tydens hierdie geleentheid  word die intrekkers deur die leraars ontvang en georiënteer in die gemeente se werksaamhede en eredienste.  Die geleentheid wentel natuurlik om ‘n gesellige koppie tee en ‘n eetdingetjie en daar word lekker  saamgekuier. Die laaste byeenkoms was op 20 Oktober 2013.

Annie le Roux is vir die afgelope 8 jaar aan die stuur van bediening Ankergooi. Die naam dui op veral afgetrede mense wat hier kom “anker gooi” in die Hawe van God se Genade. Annette van Zyl het aanvanklik die grondslag van die bediening gelê, maar dit mettertyd aan Annie le Roux oorgegee. Baie dankie aan hierdie dames en hul helpers vir hul onbaatsugtige diens en die gasvryheid wat hulle so namens die gemeente betoon.