Ander hoek

God daag ons manier van weeg en tel gedurig uit. In die Ou Testament kies Hy gedurig die wat die konteks nie sou kies nie. In die Nuwe Testament draai Jesus alles om. Die laastes is eerste en die eerste laaste. Die wat huil is geseënd en die geloof van die minstes is vir hulle tot redding. Hy wys dat dit belangriker is om iemand te help as wat dit is om wette na te volg (soos die Samaritaan en die heling van mense op die Sabbat). Hy onstel die wat vasgevang is in “hoe dit gedoen moet word” en konfronteer hulle met hulle sekerhede wat eintlik nie seker is nie.
    
Die teoloog Paul Tillich skryf:
“New ways
of disclosing the world
have always
aroused the resistance
of those who
wanted to stay securely
with the familiar.
…It is the fate of every
unfamiliar way
of looking at the world”

Om te leer kyk soos God is eintlik maar om na iets te kyk vanuit jou persepsie en gewoonte en dit dan heeltemal op sy kop te draai.