God is teenwoordig

Ons het baie hoë verwagtings van die lewe. Ons samelewing bombardier ons met beelde van ‘n perfekte lewe en voorkoms. Ons meet ons gedrurig aan ander – wat ons het, waar ons vakansie hou, waarmee ons speel.

Die voorspoedevangelie sit dié gedagte voort. God word ingetrek by die wêreldbeeld, en sukses is ‘n teken van seën. Die gevolg is dat ons met inherente swaarkry van die lewe sukkel. Ons vergeet God werk en is teenwoordig te midde van die morsigheid van die lewe. Nie net daar waar alles reg en prefek verloop nie, maar ook daar waar ons nonsens aanjaag of ons ontvangers is van ondeurdagte besluite.
‘n Mens kan nie Ette Hilesum se boeke lees sonder om jou kriteria vir ‘n vol lewe te herbedink nie. Sy was ‘n Joodse vrou gedurende die Nazi-besetting, wat met haar dagboekinskrywings gestry het om liggaamlik en geestelik te oorleef:

“This morning I said to Jopie, It still comes down to the same thing: life is beautiful. And I believe in God. And I want to be there right in the thick of what people call “horror” and still be able to say: ‘life is beautiful’.”