Die leerders van die De la Bat-skool (vir dowes) het onlangs by De Uijlenes, Baardskeerdersbos, gekuier. Danksy Aletta Groenewald en later haar skoondogter, Traci, besoek die graad 7’s De Uijlenes se Nonnetjiesuilhuis al reeds  vanaf 2009.
Hulle het die Jeug- en gesinsdiens in die Pretoriussaal bygewoon, waar Rozette Katzen die skool se agtergrondgeskiedenis aan die gemeentelede en kinders oorgedra het. Rozette het ook die spesiale Bybel vir dowes aan dr. Bobo van Zyl oorhandig. Daarna het die groep leerders hul liedjies "gedoen", wat opgewonde deur almal gadegeslaan is. Hulle is met tee en verversings bederf voordat hulle na De Uijlenes teruggekeer het.