Die NG vrouediens is reeds ’n klompie jare by Okkie Smuts-skool en koshuis betrokke. Dit is ook vanjaar weer ’n Vroue-diens-projek om die koshuis te ondersteun. Van hul noodsaaklike behoeftes is deur die vrouediens geïdentifiseer, soos toiletware, beddegoed, skryfbehoeftes en nie-bederfbare voedsel . Stienie Geldenhuys is tans die vrouediens-afgevaardigde. Onlangs het Stienie en 14 vrouediensdames 'n besoek aan die koshuis gebring.Die afgelope paar jaar is verskeie besoeke al daar afgelê en gereelde donasies en items is in die verlede oorhandig.

Laerskool Okkie Smuts is 'n gewone artikel 21 skool. Die skool is op 11 November 1910 amptelik geopen en in 1921 het die skoolkoshuis tot stand gekom Tans is daar 209 leerders met 9 leerkragte. Daar is 48 koshuis-kinders, waarvan minstens die helfte Gansbaai-kinders is. Gerrie en sy eggenote, Adanne is die koshuisouers.
Navrae: Stienie by 079-8562033 of skakel die kerk-kantoor by 028-384-0510,