Die B’Bos-basaar van Saterdag 9 Maart 2013 was weer-eens een van die feesgebeure in die Strandveld. Dit was ‘n heerlike sonskyndag met die B’Bos-boereorkes en basaar-gangers wat musiek maak, lag en kuier en die unieke en tradisionele basaar geniet. Daar was ‘n verskeidenheid artikels beskikbaar. Van ’n veeveiling tot sosaties, melktert en afval, asook alles waaraan jy kan dink.

Die B’Bos-gemeente-lede en ander inwoners wat so hard gewerk het, asook lidmate van ander streke wat kom help het, word hartlik bedank. Maar teenoor ons Hemelse Vader is ons die dankbaarste, want Hy het alles moontlik gemaak en die geleentheid ryklik geseën.

(Foto: lede van die B'Bos orkes)