Padelgo-baan open by L’Agulhas Rolbalklub in Struisbaai

Die nuwe Padelgo-padelbaan is Saterdag 13 Junie 2026 op die L’Agulhas-rolbalgrond amptelik geopen, tot groot opgewondenheid van spelers, toeskouers en lede van die plaaslike gemeenskap.

Die baan, wat op die bestaande rolbalterrein gebou is, bring ’n nuwe sportgeleentheid na Struisbaai en skep ook ’n natuurlike sinergie tussen rolbal en padel. Die ontwikkeling bied aan inwoners en besoekers nog ’n rede om die klub te besoek en aktief deel te neem aan plaaslike sport.

Die opening is goed ondersteun, met spelers wat aan die dag se wedstryde deelgeneem het en toeskouers wat langs die baan saamgekuier het. Die nuwe fasiliteit word as ’n positiewe toevoeging tot die area beskou en kan help om groter betrokkenheid by die klub te bevorder.

’n Spesiale woord van dank gaan aan die gewillige dames van die rolbalklub, wat meer as 100 pannekoeke vir die spelers en toeskouers gemaak het. Hul bydrae het tot die gesellige atmosfeer van die opening bygedra en die dag nog meer besonders gemaak.

Banner Foto:

VLNR: Mart Schonfeldt, Madeleine du Plessis, Marianne Fourie en Carin Burger.