Graad 3 Vier ’n Jaar van Pret en Prestasie
Die graad 3-leerders het Maandag, 1 Desember hul jaarlike afsluitingsfunksie by Groeneweide gehou.
Leerders Blink Uit by Nasionale Skaakkampioenskappe
Agt leerders van Laerskool Gansbaai, wat gekies is vir die Wes-Kaapse skaakspan het vanaf 14 tot 19 Desember aan die Mzansi Interprovinsiale Skaakkampioenskappe in Polokwane deelgeneem.
Die 0/8-span het goud verower (Rossouw Coetzer en Lihan Lourens van Laerskool Gansbaai was in dié span). Die 0/12-meisiespan het goud verower (Anneke du Preez van Laerskool Gansbaai was in dié span). Die 0/12-seunsspan het brons verower (Hanro Coetzer en Heinrich Buhr van Laerskool Gansbaai was in dié span). Die 0/14-meisiespan het ook goud verower (Luandi van der Linde, Danielle Stevens en Alet du Preez van Laerskool Gansbaai was in dié span). Wes-Kaap was die wenners van die toernooi met 6 goud, 1 silwer en 6 brons medaljes.
Baie geluk aan elke leerder wat deelgeneem het. Ons is trots op julle. Danielle Stevens het 3de plek, Hanro Coetzer 9de plek, Anneke du Preez 10de plek, Luandi van der Linde 10de plek en Rossouw Coetzer 9de plek elkeen in hul onderskeie ouderdomgroepe behaal.
