Sondag 25 Junie 2022: Biddag: Middelafhanklik...
Middelafhanklikheid is ‘n té algemene verskynsel in ons samelewing, ‘n groot bron van kommer.
| Mense van my ouderdom ( 80 + ) het ongekende veranderinge beleef. In die plek van die griffel en die lei het die rekenaar gekom. In my kinderjare het ek op ’n donkiekar gery en baie, baie jare later eers op ’n vliegtuig. Dinge soos ’n radio, yskas, elektrisiteit was onbe-kend. So ook slaghuise en bakke-rye . ’n Bode te voet of te perd moes die doodstyding uit die kontrei bring en die brief was omtrent die enigste kommunikasie-middel met iemand wat ver was en het lank geneem om jou te be-reik. Telegramme en telefone het veel later gekom en die selfoon nog later. Ons lewe in tye van verandering. Die ouderdom het te doen met sy eiesoortige fisieke en psigiese veranderinge. Die huis word te groot, die skrif hoe ek die medisyne moet drink te klein, die trappe te hoog, die stoel te laag, die bad te diep, die nagte lank, die geheue kort en die kragte min. Die noem van hierdie dinge spreek nie van negatiwiteit nie, dit is helaas die harde realiteit. Hoe gouer jy aanvaar dat jy nie meer kan doen wat jy gewoond was om te doen, des te beter vir jou; “Word jou opinie nie meer gevra moet jy tog nie daaroor kla hou op om immer te wil kritiseer dis deur foute maak wat mense leer.” S.J. Pretorius het ’n gedig geskrywe met die titel Die Skoolhoof. Dit handel oor die populêre skoolhoof wat afgetree het en na jare na die skool teruggekeer het as assistent. Ek haal ’n paar reëls uit die gedig aan: “ Hy het sy hand weer laggend uitgesteek maar haastig het die hande by sy greep verby gegryp na iemand agter hom die drukte om hom het meteens verstom om iemand anders het hul saamgedrom So regop soos hy was het hy verkrom sy grappies was bedaard of sonder sout hy’t nooit besef die winters is so koud só eensaam by die tafel in sy jas as hy sy broodjies uithaal uit sy tas” Die verandering wat die meeste bekommernis wek, is die voor
|
