Die afgelope jaar en ‘n half het ons eers in ‘n gat in die kerktoring vasgekyk, toe na ‘n wysterplaat sonder wysters en eersdaags beloof hulle kyk ons weer na ‘n volwaardige werkende
kerkhorlosie. Op versoek van die kerkraad is Paul Knoetze genader om behulpsaam te wees met die herstel van die horlosie.

Beplanning is gedoen, materiaal bestel en afgelewer. Daarna het Paul se werk in alle erns begin. Met presisie is nuwe onderdele vervaardig. Met groot versigtigheid is nuwe rame en en ‘n “gesig” teen die toring opgetrek en is elkeen op sy bepaalde plek gemonteer. Nou nog net die wysters wat aangebring moet word. Die elektriese bedrading en motor is gereed om die tyd vir ons aan te dui. Die gemeente sien uit daarna om weer ons kerkhorlosie in werkende toestand te sien en die helder klanke van die klok te hoor.

‘n Spesiale dankie aan Paul Knoetze en sy helpers vir hierdie groot taak. Dankie ook aan Jannie Botha en sy komitee wat die proses bestuur het. Dankie aan lidmate en persone wat tot die projek bygedra en ondersteun het.