Seestrome 2015: Dankie vir die mense-engele op ons lewenspad

12 December 2015

Posted by:

NG Kerk Gansbaai

Posted in:

Hier is n paar mooi aanhalings wat ek van Fransil Kotze, maatskaplike werker vir KANSA, hospice in Hermanus (ds. Willie se vrou), gekry het.
“Die realiteit is nie dat ons vergeet, aanbe-weeg en afsluiting kry nie, maar eerder dat ons ons gestorwe kinders op ‘n ander manier in ons lewens vereer, onthou en inkorporeer. Om die waarheid te sê, om die herinneringe aan hulle in ons kop en hart lewendig te hou, is ‘n belangrike deel van die helende reis.”
- Harriet Schiff- (The Bereaved Parent)

“Niemand het my ooit vertel dat smart so baie soos vrees voel nie.” - C.S. Lewis

“Smart is nie ‘n gebrek, 'n siekte of 'n teken van swakheid nie. Dit is 'n emosionele, fisieke en spirituele noodsaaklikheid, die prys wat jy vir liefde betaal. Die enigste kuur vir smart is om te rou” - Earl Grollman

“Om te rou, is n reis waarop ons leer om die persoon wat nie meer met ons is nie op 'n

ander manier lief te hê. Om diegene wat dood is doelbewus te onthou, is die sleutel wat n mens se hart oopsluit, wat toelaat dat ons hulle op nuwe maniere liefkry.”

- Tom Attig ( The Heart of Grief)

NOTA: Vergun my asb. om van die geleentheid gebruik te maak om vir Fransil en almal verbonde aan die hospice te bedank. Ook dankie aan almal in ons gemeente - gebedsgroepe, leraars tuisversorgers, omgeepersone, familie, vriende dokters en verpleegpersoneel – wat die engele is wat God gebruik om ons te help. Hulle wat saam met ons wat self kanker het of fisiek die lydens-pad saam met terminal siek geliefdes moet stap, onderskraag. Soos dit ook met my seun, Colin, die geval was. Ons kan net diep uit ons harte baie, baie dankie sê . . .

Elke woord, gebed, besoek was volgens God se tyd op dieregte tyd! - Maureen Voigt.

Written by:

Maureen Voigt

Hierdie historiese kerk is geleë in die hart van Gansbaai se middedorp en staan al vir meer as 50 jaar in die bediening van jonk en oud. Die kerk se ryk geskiedenis dateer terug tot 1909 en vandag het die kerk meer as 2550 lidmate en oor die 300 doop lidmate. Die kerk bedien die hele Gansbaai wat d...

View Profile