Die bediening : sending en uitreik met Johan en Elcine Hulme (foto hier bo) en lidmate wat betrokke is by sendingwerk, was die afgelope jaar weer met hart en siel besig met die take wat die Here op hul harte gelê het.

Elcine vertel: Ons kan net die Here dank dat alle veranderinge wat in die uitreikaksie plaasgevind het, ter uitbreiding van God se koninkryk is.

MAKHATHINI: Gansbaai- gemeente is vanaf 2000 voltyds betrokke by Makhathini  en die eerste kerkie is op Hlanganani gedurende 2002 gebou en kerkbankies is voorsien. Bonginkosi, die sendeling wat ook deur ons gemeente geldelik ondersteun word, het begin met ‘n boomkerkie. Later het hy sy eie “kerkie” gebou en Gansbaai-gemeente het in 2009 ‘n kerkie in sy wyk in Kwandaba gebou. Hy het begin met 1 wyk en bedien tans Gods Woord in 3 wyke. Gansbaai-gemeente het in 2011 ook ‘n kerkie in sy wyk by Bhek’ Abantu gaan bou. Tans is die uitreikaksie besig om geld in te samel sodat hulle hom kan help met die bou van ‘n kerkie in sy derde wyk by Mbangweni. Die skenking van ‘n bakkie aan Bonginkosi het gehelp dat hy meer mense kan bereik en nie meer nodig gehad het om met ‘n fiets te ry nie. Hy is ook betrokke by ‘n wyk in Mosambiek wat hy twee keer per jaar besoek.

Lindiwe, Bonginkosi se vrou, het ‘n kleuterskool begin met 12 kinders en tans is daar 97 kinders in haar kleuterskool. Die vrouediens betaal vir haar opleiding en sy het nog ‘n jaar om haar kwalifikasie te voltooi, Sy sê dat sy die kinders “Zulu, Engels en van God leer.”

UITREIK : PLAAS-BEDIENING : Die plaasbediening het begin deur op verskillende plase kerk te hou. Tans word daar elke tweede Sondag ‘n diens in Baardskeerdersbos se gemeenskapsaal gehou. Die Pinksterdienste word ook daar gehou. Daar word ook Nagmaaldienste gehou. Die lidmate het groot waardering en voel dat die Here hulle seën. Hulle het ook op 10 Oktober ‘n basaar gehou en op 6 Desember hou hulle hul eie Kerssangdiens.

RUSLAND: Ons gemeente is ook betrokke by sendeling Ernst Toerien in Rusland. Daar word jaarliks ‘n deurkollekte vir hom gehou. Hy was eers net betrokke by die kinderbediening en het nou sy eie gemeente. Uit Rusland skryf Ernst en sy vrou  gereeld per epos aan dr. Dawie en Alethea Pansegrouw.  In hul laaste skrywe sê hulle dankie vir die gemeente se ondersteu-
ning, liefde, gebede asook finanansiële bydraes. Hy vertel voorts dat sy vrou, Betsie, en dogtertjie, Nadja, tans in Suid-Afrika  kuier.

TRANSKEI: Gansbaai-gemeente is ook steeds betrokke by ds. Christo Wooding in Transkei deur finansiële bydraes. Met ‘n besoek, in Augustus vanjaar, deur Johan en ander lidmate, was hulle aangenaam verras om te sien dat ‘n kerkie wat in 1996 by Waterloo gebou is en restourasie nodig gehad het, self deur gemeentelede van Waterloo op eie inisiatief gerestoureer is. Ds.Wooding het ‘n baie groot gebied wat hy bedien.

SILWERJARE-TEHUIS: Deur die jare word daar uitgereik na Silwerjare-tehuis in Blompark.  Die 5de November is daar ‘n Kersete aangebied deur die uitreikkomitee en geskenkies is oorhandig. Daar word ook vermaak vir hulle gereël. Van die kommentaar wat na die funksie ontvang is: “Fantasties! Iets wat van die Here af kom.” en: “Ons geniet dit tussen ou mense, het self oud geword.