Wag as ruimte van hoop
Die “as” waarmee Psalm 27: 13 (Direkte Vertaling) begin spreek boekdele: “As ek darem nie geglo het…”. Dit dui op die erken van ‘n ander scenario. ‘n Scenario waar hoop en vertroue nie bestaan nie. Waar daar nie ‘n groter prentjie is om aan vas te hou nie. Waar daar geen verwagting is om die goedheid van God te proe nie. Die digter verstaan dit is net omdat daar ‘n verwagting is dat wag moontlik is. Wag is ‘n integrale deel van ons geloof. Dit is die bymekaarkom van ons verwagtings, planne en idees en God se tyd. Dit is die oorvleueling van my sien en God se sien:
“Wag op die Here!
Wees sterk en hou moed,
ja, wag op die Here!”  (Psalm 27: 13-14)