Skaduwee van die Kruis oor die Krip
Dit gaan in die Kersgebeure om God wat in groot genade, deur sy sondaarliefde, van Bo af ingryp om verlossing te bring vir ‘n verlore mensdom.
 Wie in die Kerstyd net by die krip stilstaan sonder om ook na die kruis te beweeg, mis die punt. 
Oor die krip val die skaduwee van die kruis. Kyk na die Kind in die krip, sien die Gekruisigde, die Man van Smarte. Die verlossing wat God bewerk het vir verlore mense, is ‘n verlossing deur kruis en lyding heen. God bewerk versoening vir die mens, maar vir hierdie versoening, sou God ‘n offer moes bring, God sou die Lam moes voor-sien. God se genade, God se liefde sou ‘n prys kos. . . ‘n Dure prys. Wanneer Christene fees vier, is dit altyd weer ‘n fees van verootmoediging, heilige smart, en nederige, lofprysende dankbaarheid. Wie nie óók in die Kerstyd huil nie, mis die punt. 
Mag ons Kersfees werklik geseënd wees!