As Vrouebediening wil ons net graag weer ons werksaamhede verduidelik. Die Vrouebediening is ‘n bediening soos enige ander (bv Barmhartigheid, Uitreik, Jeug, ens.) Ons funksioneer bietjie anders as die Vrouediens van ouds. Die Vrouebediening probeer inisiatief neem op gebiede wat nie deur ander bedieninge opgevang word nie. Daarom bestaan ons nou uit twee bene. Die eerste is die Gasvryheidsbediening, wat instaan by Pinkstermaal, gemeente-ete, kerssangdiens en ander geleenthede wat vooraf bepaal is. As die vrouebediening ‘n geleentheid reël is dit vir die hele gemeente omdat ons dinge wil hoor en doen wat ons gemeente en gemeenskap kan opbou. Die tweede been bestaan uit projekte. Op die oomblik het ons vier projekte, maar ons is oop vir voorstelle. Die plekke waar ons betrokke is, is Herberg Kinderhuis, Laerskool Okkie Smuts se koshuis, Michelle Marais studiesentrum en ‘n werskeppingsprojek. Ons weet baie gemeentelede is betrokke by Barmhartigheid en ander projekte, maar as jy miskien nog ‘n holtetjie wil vind waar jy jou wil uitleef is hierdie die plek, veral waar jy graag ook iets nuuts wil inisieër. Vir meer inligting kontak Lisel Joubert of Fransil Kotze.