Ons gee maklik dinge buite ons die skuld as ons lewe deurmekaar raak. Dit is tog nie die gawes wat God in skepping vir ons gee wat vir ons sleg is nie, maar eerder wat ons daarmee maak. Wirzba skryf dat bekering beteken om mekaar raak te sien as gawes van God. Dit is nie so maklik nie. “It involves the difficult labor of rejecting impulses, whether self or culturally produced, to turn everything we meet into a means of self-satisfaction.” Om te leer om uit dankbaarheid met alles om te gaan, sagkens en bevestigend, om nie te dink dat ek geregtig is op dinge nie. Veral nie meer geregtig as die wat anders as ek is nie. Dit is nie so maklik nie. Dit vra dat my fokus skuif na God in my naaste.