Ons is almal “constructs”. Ek bedoel ons is almal saamgestelde skeppings, produkte van ons huisgesin, kultuur, dominante oortuigings. Ons vorm ons lewe lank ons beeld na aanleiding van dit wat ons aflei aanvaarbaar en reg is. Die priester en skrywer Henry Nouwen is lief om te sê dat ons identiteit gevorm word deur: wat ons het, wat ons doen en wat ander mense oor ons sê. Daarom is dit so dat baie van ons nie weet wie ons werklik is nie. Ons so gewoond om te wees wat ander mense wil hê ons moet wees. Ons lewe is ‘n reis om onsself te ontdek. Lydenstyd is jaarliks ‘n baie belangrike moment op die reis. Die tyd wat ons ingelei word om die lae af te skilfer om by onsself uit te kom. En vreemd genoeg God. Calvyn het vir ons tog herinner dat kennis van self en kennis van God baie nou inmekaargeweef is.