Laasjaar met die Reformasiefeesvieringe het CLF ‘n pamfletreeks uitgegee met die titel: “Vrygemaak om te…”. Elke maand is die leser herinner ons is vrygemaak in Christus om te dien, om lief te hê, om na die skepping om te sien ens. Die diep oortuiging agter dit is dat as ons God se groot genade en liefde verstaan ons ons minder sal bekommer oor oorself en meer sal kan leef na buite. Vry mense dien God en hulle naaste voluit. Lydenstyd is die tyd wat ons weer herinner word, te midde van ons sondebesef, dat ons vrygespreek is in Christus. Alan Jones skryf: “The freer I am to be in the world, the freer I am to contribute to its welfare and its flourishing.”