Deel  van ‘n nuwe familie

Iets wat die kerk nie genoeg na kan strewe nie, is om die eenheid  tussen  gelowiges te te bevorder. Eerstens binne die gemeente, maar ook oor kerkgrense heen. Dit is wesenlik vir ons getuienis as kerk van die Here. Daar so baie om daaroor te sê; dit sal net te veel spasie in beslag neem. Daarom net die volgende: Iets wat ons daarmee kan help, is die besef in die eerste plek dat die geloof in Christus ons deel maak van ‘n nuwe familie. As ‘n mens Matteus 12:46-50 goed lees, sien ons dat geloof in Christus ‘n nuwe familieband tot stand bring. En hierdie band  moet ons besef, bind en sny dieper as selfs ons bloedbande.

Om Jesus na te volg is ‘n lewensomwente-lende saak met gevolge wat ons nie moet onderskat. Matteus 12 is duidelik daaroor dat ons band met Christus alle ander verbande in ons lewe relativeer en heeltemal sekondêr stel. Die rede daarvoor is omdat die band tussen gelowiges ontspring uit die wedergeboorte, nie die natuurlike geboorte nie. Die apostel Petrus skryf, wanneer  hy gelowig-es aanmoedig, om mekaar lief te hê, die volgende in 1 Petrus 1:22: Julle is immers weergebore, nie uit verganglike saad nie, maar uit onverganglike saad. In hierdie verband is die eenheid tussen gelowiges dan ook ‘n te-ken van die groot wedergeboorte, in ander woorde die ewige lewe. In die tweede plek moet ons ook besef dat hierdie familie van gelowiges deur God gekies word, nie deur ons nie. As Jesus aan die kruis na Maria draai en vir hulle sê: Daar is u seun en daar is jou moeder, hoor ons dat Hy die Een is wat in hierdie nuwe familie die bande be-paal, nie ons nie. Die keuse oor wie hierdie familie is en wie nie, is nie ons s’n nie, maar Syne. Daar is die spreekwoord wat sê dat ‘n mens jou vriende kan kies, maar nie jou familie nie. As dit waar is van gewone familie, dan nog baie meer van die kerkfamilie. Omdat die Here die kies wie saam met ons aan die kerk behoort, moet ons diegene aanvaar en liefhê. Juis omdat die Here dit so beskik het. Laat ons bid dat  die Here ons  sal help  om soos die Bybel leer die eenheid wat die Gees tussen ons gesmee het, te handhaaf. Mag ons gedurig daarna strewe om die eenheid te bevorder binne die gemeente en ook oor kerkgrense heen. Laat ons begin  deur  aan die kerk te dink  as ‘n nuwe familie van mense  wat saam aan die Here behoort.