21 Dae 21 Psalms: Dag 13

DAG 13: PSALM 65

Word rustig. Haal diep asem. Word stelselmatig bewus van jou lyf, van jou tone tot by jou kop. Raak bewus van spanning. Miskien kan jy ‘n strekoefening oorweeg. Om bewus te wees van ander en alles rondom jou vra ook dat jy bewus is van jou liggaam.

Miskien is jy gespanne omdat alles om jou skielik so ernstig oorkom. Doen vandag iets pret. Iets wat jou laat lag. Sit jou gunsteling musiek kliphard op, hou ‘n dress up, wat ook al net silly is.

Psalm 65 is ‘n lofsang. Lees dit meer as een keer hardop deur. Die Psalmskrywer kies om God te loof en verstaan die diep sinvolheid om as vrygespreekte te lewe.

Lees vers 6 -12, die verse begin met die volgende werkwoorde (stellings):

In u trou antwoord U ons met...

U is...

U laat...

U sorg...

U maak...

U kroon...

Voltooi hierdie sinne in jou eie woorde vanuit jou eie konteks.

Vers 5: “Dit gaan goed met die mens” of “Gelukkig is die mens”. Dink bietjie na oor jou kriteria vir geluk. Henry Nouwen skryf: “I am convinced that we can choose joy. Every moment we decide to respond to an event or a person with joy instead of sadness. When we truly belief that God is life and only life... To choose joy does not mean to choose happy feelings or an artificial atmosphere of hilarity. But it does mean the determination to let whatever takes place bring us one step closer to the God of life.”

Hou die gebed van vers 5 vandag op jou tong: “Ek wil graag versadig word met die goeie van U huis…” (Direkte Veraling)

[Direkte Vertaling:

Vers 4) Al sou sondeskuld my oorweldig. U bedek ons oortredinge.

Vers 10) U het na die land omgesien,

dit deurdrenk, dit besonder verryk,

God se leivoor is vol water…

Vers 12 -13) U kroon u goeie jaar;

Waar U spore lê, drup dit van vettigheid.

Die weivelde van die woestyn drup,

Juigend omgord die heuwels hulleself]