Gansbaai se Daniël Blink vir die Wes-Kaap Ka...
Baie geluk aan Daniël met sy uitstekende prestasie as deel van die Wes-Kaap Kavaliers Tennisspan!
Junior en Senior Koorwerkswinkel: Wintervakansie 2024
Die Junior en Senior Koor het die afgelope wintervakansie vir die derde agtereenvolgende jaar 'n omvangryke koorwerkswinkel gehad.
Koorleier, Asanti Smit het, onder andere, die kore se stemkwaliteit, gehoor en konsentrasie op kreatiewe maniere help uitbrei.
Die leerders het ook baie hard gewerk aan die afronding van hul liedjies vir die Helderberg Eisteddfod wat in Julie plaasvind, sowel as liedjies van Anton Goosen, wat hulle tydens optredes op 1 en 2 Augustus saam met ons eie liedjieboer gaan sing. Groot dankie aan Asanti Smit wat nie net háár tyd aan die skool skenk nie, maar ook haar ma, Tannie Annetjie, wat sy ingespan het om met die klavierbegeleiding te help. Tannie Annetjie het jare lank ook kore afgerig en haar eie musiekskool gehad.
Baie dankie aan al ons koorlede wat in hul vakansietyd bereid was om skool toe te kom en saam met Asanti hard gewerk het. Jul opoffering en getrouheid word raakgesien en waardeer.
