Wintersportdag - 18 April 2026 by Rûens Koll...
Opgewonde gesiggies, dapper pogings en groot gees het die dag regtig spesiaal gemaak.
Laat Die Gansies Gons Musiekaande
Die Gansies het behoorlik geGons saam met ons eie liedjieboer, Anton Goosen, Laerskool Gansbaai Junior- en Seniorkore, ons eie solo-sangers, sowel as Valiant Swart en Illimar Neitz. Wat 'n belewenis was dit nie vir jonk en oud nie!
Panorama het Donderdagaand, 1 Augustus 2024 en Vrydagaand, 2 Augustus 2024, gelééf met gunstelinge soos Trompie, Jantjie en Waterblommetjies. Van kos gepraat: De Uijlenes, Nel Schrecker en die WOW-ouers van Laerskool Gansbaai het op beide koue aande gesorg vir heerlike warm sop – beslis ’n wenner by elke gas. Met hierdie optredes van Anton Goosen voor sy tuisdorp-gehoor, het 'n wens van baie Gansbaaiers waar geword en is ons jonger generasie geleentheid gebied om legendariese liedjies hul eie te maak. Só is generasies verenig deur samesang en musiekklanke.
Dankie aan AL ons borge vir jul bydrae!! Hoe groot of klein ookal dit was - sonder julle sou dié twee aande se sukses nie moontlik wees nie.
