Hulle “hardloop” elke jaar met speelgoed om kinderharte bly te maak

Hulle “hardloop” elke jaar met speelgoed om kinderharte bly te maak

Die “Toy Run” wat jaarliks in die aanloop tot die Kersseisoen deur verskillende motofietsklubs in die Overberg gedryf word, het op Sondag, 28 November op 'n drafstap afgeskop. Motorfietsryers van oraloor het al die pad van plekke soos Struisbaai en Gansbaai af tot in Bredasdorp gery. Hiervandaan het hulle na Stanford beweeg waar motorfietsryers verteenwoordigend van verskeie klubs bymekaargekom het om speelgoed wat bymekaargemaak is, af te gee.

Talle plaaslike inwoners was soos gewoonlik aan boord. Op Napier het 'n paar van die motorfietse by die petrolstasie stilgehou om tenk vol te maak. Daar het Suidernuus gaan bladskud om te verneem of die grootste deel van die pad darem “mooiweer” was. 'n Ligte motreëntjie het uitgesak net voordat die spannetjie op Napier by die vulstasie ingetrek het.

Motorfietsryers byt vas en druk deur, ten spyte van COVID-19 inperlings

Talle kinderharte word gewoonlik jaarliks - met Kersfees wat voor die deur staan - bly gemaak, te danke aan inisiatiewe soos hierdie een. Ten spyte van groter en kleiner inperkings wat almal sedert Maart 2020 as gevolg van die langdurige verblyf van die Corona virus beleef het, het die motorfietsryers aan die einde van 2020 - en nou weer - deurgedruk met hierdie wonderlike jaarlikse uitreik inisiatief van hulle.

(The roar of motorbikes once more alerted residents to yet another “Toy Run” and one peep at the calender would have confirmed the fact: It is time for the annual Overberg based Toy Run from all over en route to Stanford. These bikers stopped at the Napier petrol station to fill up en route from Gansbaai, via Elim and Bredasdorp to Stanford.)

Ora Laubscher