DICT turns trash into treasure
Annually, the world unites in a coastal clean-up initiative.
‘n Ou skelm het Maandag spreekwoordelik in die leeu se bek ingestap toe hy ‘n gesteelde TV aan ‘n polisiebeampte wou verkwansel.
Michael-Eben Engel het Maandag, 18 September 2017 ‘n motor voorgekeer en wou by die bestuurder weet of hy nie ‘n TV wil koop nie. Die bestuurder was konst. Lolwana van Gansbaai SAPD wat die betrokke dag van diens af was en met sy privaatmotor gery het.
Die jong konstabel het nugterheid van verstand behou en aangedui dat hy beslis sou belangstel indien die prys reg is. Op sy vraag waar die TV is, het die verdagte gesê dit is in De Kelders en dat hulle daarheen kan ry.
Daar aangekom, het die verdagte die TV agter ‘n bos, waar hy dit versteek het, uitgehaal en in die motor gelaai.
Daar is ooreengekom op ‘n prys en die konstabel het gesê hulle kan ry om die geld te gaan haal.
Konst Lolwana het reguit polisiekantore toe gery en Michael-Eben Engel, wat op parool uit was, het hom kort daarna weer in die selle bevind.
Hy het Woensdag, 20 September 2017 in die Hermanushof verskyn.
Die TV word met ‘n inbraak in De Kelders verbind en Engel kan moontlik ook met ander inbrake verbind word wat die afgelope tyd plaasgevind het.
Hy is daarvoor bekend dat hy bedags rondloop en wonings dophou vir ‘n geleentheid om in te breek.
