INTERSKOLE 2026
Wat ’n GANSIE-oorwinning!
Gansbaai Mini-Krieketdag ’n Groot Sukses
Op Saterdag, 14 Maart 2026, het ons Gansie mini-krieketspelers fantasties gevaar tydens ons eie Mini-Krieketdag!
Dit was ’n heerlike dag vol pret, mooi krieket en groot glimlagte. Dit was duidelik dat elke speler die dag behoorlik geniet het.
Groot drome is Saterdag gedroom - al was die veld en ons spelers nog klein.
Baie dankie aan al die besoekende skole wat saam met ons die dag so spesiaal gemaak het. Ons waardeer julle deelname en die goeie gees waarin alles plaasgevind het.
Ons innige meegevoel ook aan Protea Primêr met die afsterwe van een van hulle kollegas. Baie dankie dat julle, ten spyte daarvan, steeds deel was van ons dag.
’n Groot dankie ook aan elke Gansie-personeellid, ouer, leerder, speler en borg wat gehelp het om die dag moontlik te maak. Sonder julle ondersteuning en harde werk sou dit nie dieselfde gewees het nie.
Ons is trots op ons Gansies!
Skole hier teenwoordig: Protea Primêre Skool, Gansbaai Primêre Skool, Laerskool Overberg (3 besoekende skole / 4 skole teenmekaar - LSG ingesluit).
