In afwagting om 'n ware Christusfees te vier, kon ons op Sondag 24 November 2013 deel wees van  die Kerssangdiens, wat die regte gees van Kersfees in ons harte laat ontwaak het.

Ons sê baie dankie aan die organiseerders en almal betrokke by die aanbieding. Dit was ‘n onbeskryflik belewenis! Die sang van die kore van die NGK, die VGK, Blompark Mannekoor, Gansbaai Primêre-koor en die NG mannekoor met die gemeentesang was mooier as wat in woorde beskryf kan word! Die versiering van die kerk het bygedra tot die gewyde atmosfeer.

Dankie aan die volgende persone vir hul besondere bydrae en hulp: dr Bobo van Zyl vir die verwelkoming, voorlesings en afsluiting Anita Botha en Amanda le Roux en almal wat gehelp het met die versiering van die kerk. Matt Human as solis. Elke lid van die genoemde kore met hul afrigters en begeleiers. Koorleiers Aletta Lochner en Nita Faber. Begeleiers Annelene Reinke, Heidie Chivel, Pikkie Louw, Jack White en Dirk Buchner. Maureen Voigt vir die dataprojektor. Die diakens wat almal by die deure verwelkom het. 'n Spesiale dankie aan die vrouediens wat na afloop van die diens vir die verversings in die Pretoriussaal gesorg het.