Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Saterdag, 30 Januarie 2016 het aangebreek met wat gelyk het na nog ‘n warm dag. Gelukkig het ligte wolke en ‘n koel seebries eintlik gesorg vir aangename omstandighede om rolbal te speel en die buitelug te geniet.
Voeg hierby die deelname van agt spanne van onder andere L’Agulhas, Rivier-sonderend, Hermanus en Kleinmond saam met ses van Franskraal en jy het ‘n resep vir wedywering in ‘n goeie gees tussen ou rolbalvriende en etlike nuwe deelnemers.
Boonop het die bekende gasvryheid van Franskraal se lede en smaaklike middagete en verversings wat voorgesit is, gesorg vir die regte atmosfeer om die dag te geniet.
Borgskappe van sake-ondernemings speel ongetwyfeld ‘n groot rol om sport aan die gang te hou en Franskraal Rolbal is dankbaar vir die bydrae wat Boland Makelaars gemaak het om die dag moontlik te maak – ook vir die teenwoordigheid van sy verteenwoordigers by die begin van die toernooi.
Die wenners was Sakkie van Zyl, Kim Breach en Michael Vermeulen. In die tweede plek was Betsie Schrëuder, Vic Breach en Roelof Eksteen gevolg deur Gideon Pienaar, Jaco Swart en Kay Puttick in die derde plek.
Al drie hierdie spanne is van Franskraal Rolbalklub.
Die Enkelspel Klub-kampioenskappe is ook onlangs afgehandel. Die kampioene is Marius de Wit en Kim Breach. Baie geluk aan die twee spelers.
Wil jy ook deel word van die rolbalfamilie, skakel my by 028-384 1822 of Henk van der Walt by 028-384 0117.
Pieter Conradie
