Gansbaai Courant

Blog: Pearly Beach Basaarpret

Published: 15 April 2016
By:Hardus Botha

Die NG-gemeente te Pearly Beach se jaarlikse basaar het op Saterdag, 26 Maart 2016 plaasgevind. Ondanks die langnaweek het Petrus du Preez gesê dat dit ‘n reuse sukses was.

“Wat ‘n gedrang! Wat ‘n gees! Wat ‘n groot sukses!” was Petrus se eerste reaksie. Hulle jaarlikse basaar is ook vir die eerste keer in die Pearly Beach Hengelklub se saal gehou - en was hierdie enorme saal nie volgepak nie. Dr Lisel Joubert het die basaar om 09:00 met gebed geopen, waarna die stormloop begin het. “Sowat van ‘n positiewe gees moet aanskou word om waardeer te kan word en dit was die begin van ‘n basaar om te onthou,” sê ‘n dankbare Petrus namens die span wat baie hard gewerk het. Almal was vriendelik en het gesellig saamverkeer, met bekende Eddie Barnard se musiek wat verder tot die gesellige atmosfeer bygedra het.

Daar was ongetwyfeld te veel te drinke en te ete, met velerlei snuisterye en naaldwerk, plaasprodukte, pasteie, gebraaide hoender, potjieskos (4 soorte), worsbroodjies en pannekoeke by die dosyne. “Pastoor Frikkie Zeelie het die pannekoeke so een na die ander die lug in laat vlieg, met sy helpers wat ook nie agtergebly het nie,” sê Petrus. Die kafee met sy vele lekkernye het ook bygedra tot te veel lekkertes om op te noem.

Dan was daar ook ‘n paar gelukkige lootjie-wenners: Skaap - Edward de Kock, Franskraal; 3kg Boerewors - Corné Fourie, Durbanville; Hoenderbraaipak - Hanlie Groenewald, Bredasdorp.

“Die inkomste van die dag staan op die pragtige bedrag van R95,000, met nog donasies wat uitstaande is, wat ons stoute verwagting oortref het, veral as ons dalk met die uitstaande bedrae ‘n totaal van R100,000 of dalk meer kan bereik,” sê Petrus. Maar alle eer en dank aan ons Hemelse Vader waarsonder absoluut niks van hierdie enorme sukses sou kon realiseer het nie.”

Hardus Botha

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...