Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Adj.Off. CW le Roux het die volgende inligting van belang vir die gemeenskap verskaf:
Vals R100 note
Daar is tans vals R100 note in omloop. Ontvangers van sodanige note moet seker maak van die egtheid daarvan alvorens die note aanvaar word. Die gemeenskap word versoek om vals note by Gansbaai SAPD se kantore aan te meld.
Nalatigheid van inwoners
Die polisie het gevind dat daar ‘n toename in nalatigheid onder inwoners heers ten opsigte van hul eiendom. Motorhuisdeure staan gereeld oop en wonings se deure is sonder diefwering of staan oop. Veral wonings waar die inwoners nalatig in sekere opsigte is, word op gefokus. AO Le Roux sê die gemeenskap is al male sonder tal versoek om Gansbaai SAPD te kontak wanneer verdagte persone in die omgewing opgemerk word. Indien mense oor inligting beskik wat die polisie met ondersoeke kan help, kan Sp-Kapt, Rautenbach by die speurafdeling gekontak word. AO Le Roux bedank graag gemeenskapslede wat wel saamwerk in die bekamping van misdaad.
Wie is in u diens?
Vele waarskuwings is al in hierdie verband gerig. Daar moet te alle tye seker gemaak word wie in diens geneem word. ‘n Sterk aanbeveling is om afskrifte van Identiteitsdokumente te maak en om vas te stel of die persoon wel by die adres woon wat hy/sy aangegee het. ‘n Onlangse voorbeeld is aangemeld waar ‘n werksoeker vals name opgegee het en gedurende die nag by die woning ingebreek het. Die versoek is dus om seker te maak wie werklik in diens geneem word.
Gansbaai SAPD kan by 028-384-0201 geskakel word en die speurafdeling by 079-893-9972.
Hardus Botha
