Gansbaai Courant

Blog: Wegraap se ietsie word vreugde ete

Published: 01 July 2016
By:Hardus Botha

“Die hoogtepunt van ons byeenkoms was Betsie van der Merwe se 90ste verjaardag op dieselfde dag, 14 Junie 2016,” vertel Enna Lotz van die Bietoubos Damesklub van Perlemoenbaai en De Kelders. “Betsie was een van ons klub se stigterslede op 3 Augustus 1993, meer as twintig jaar gelede.”

‘n Mede-stigterslid, Helena Smith is gevra om ‘n pragtige ruiker aan Betsie te oorhandig.

“Die sop-en-sjerrie van die geleentheid se gasvrouens, asook die prag-versierde tafels, het sommer ‘n gesellige atmosfeer vir Betsie geskep.”

Nog ‘n verrassing het op Betsie gewag.

Haar kinders het in die geheim ‘n groot middagmaal vir familie en Gansbaai-vriende van Betsie by Groeneweide Kwekery gereël.

Haar dogter, Surina, het haar halfpad deur die Bietou-bossers se byeenkoms kom “wegraap” en gesê sy gaan sommer ‘n “ietsie” by ‘n restaurant saam met hulle eet. Daar aangekom, was sy oorstelp van vreugde om soveel familie en Gansbaai-vriende van haar te sien wat reeds hul plekke by die mooi versierde tafels ingeneem het. Gewis ‘n vreugdevolle dag vir Betsie op haar 90ste verjaardag en die Bietoubossers sê: “Ons salueer jou, Betsie!” Betsie bedank graag haar kinders en al die gaste wat teenwoordig was tydens haar groot verrassingsete. “Baie dankie ook vir al die geskenke en ek is volgende jaar weer 90!” sê sy.

Hardus Botha

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...