Gansbaai Courant

Blog: Hengelaars kampeer om die braaivuur

Published: 22 July 2016
By:Gansbaai Courant

Boothengel was verlede Saterdag (2 Julie) taboe vir die Birkenhead Boothengelaars, maar soos gewoonlik het dit geen invloed op ‘n gesellige aandfunksie gehad nie.

Vir die yskoue saal het Boetie Bosman vroegaand enorme stompe, soos vir 'n kampvuur, in die binnebraai brandgesteek wat vir ‘n gesellige en warm atmosfeer gesorg het.

Met Lorainne Fourie se uitstekende potjiekos daarmee saam, kon die aand maklik as ‘n kampeerdery in die bosveld beskryf word.

Twee nuwe klublede, nogal ma en dogter, Renate en Nina Engelke is bekendgestel en het hul lidmaatskapkaartjies ontvang.

“Hierdie twee het eintlik nie bekendstelling nodig nie, maar die nodige formaliteite moet nou afgehandel kom,” het voorsitter Philip Fourie gesê.

Daarna het geselligheid en saamkuier oorgeneem en is daar behoorlik gekuier en gedans tot laataand toe, met Jan Lourens stewig agter die klub se Musiekfabriek.

Die gebruiklike gelukstrekkings vir twee bottels wyn het ook nie agterweë gebly nie. Renate Erdmann het die gelukkige kaartjies getrek, met Thérèsa de Wet en Len Staunton wat elk ‘n bottel wyn gewen het.

Die volgende boothengelkompetisie is vir Saterdag, 6 Augustus 2016 geskeduleer, met die gebruiklike en gesellige aandfunksie daarna.

Klubnavrae en funksiebesprekings kan aan Philip Fourie, voorsitter, by 082-747-3634 gerig word, met kompetisienavrae aan die Wedstrydsekretaris, Jean Downing by 076-840-3393.

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...