Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
Om ‘n Gansbaai-inwoner te wees is ‘n uitsonderlike voorreg. ‘n Egpaar wat hierdie voorreg opreg waardeer en geniet, is Dr Christo Barnard en sy vrou, Elmarie. Hulle huis in Romansbaai is beplan om die natuur ten volle te geniet.
Hulle is omring deur fynbos, met ‘n 180° uitsig oor die see. Allerlei bokkies, patryse en eekhorings maak deel uit van hul lewensruimte. Vir Dr Barnard was dit dus ‘n natuurlike besluit om “groen” te gaan toe die dorp al hoe meer met elektrisiteitstoevoer begin sukkel. Om sonder krag te sit, was nie net uiters ongerieflik nie, maar ook ‘n totale taboe wanneer daar mediese noodgevalle ontstaan en die plaaslike dokter nie sy motorhuisdeur kan oopkry nie. Die gevaar dat medisyne wat teen sekere temperature gestoor moet word onbruikbaar en gevaarlik kan raak, was ook ‘n groot faktor.
Die Barnard-huis het dus hierdie week “groen” gegaan toe twaalf sonpanele deur die firma “Green Sun” binne twee dae geïnstalleer is. Hierdie Duitse produk word deur Elmarie se twee seuns Andeon en Xavier Louw bemark en versprei. (sien advertensie). Die installasie van sonpanele, gerugsteun deur batterypakke, voeg waarde tot eiendom en plaas die inwoner in beheer van sy lewenstyl. Skakel gerus met hierdie twee jong manne, wat die groen uitdaging in ons pragtige land behoorlik by die horings gepak het met hul sonenergie-bedryf.
Hulle het selfs ‘n finansiële instelling genader met die sisteem wat òf die energie wat nie verbruik word nie stoor, òf dit terugsit in die elektrisiteitsisteem en die verbruiker sodoende ‘n hele klompie geld per jaar bespaar. Op hierdie wyse betaal die sisteem homself binne vyf jaar terug.
