Gansbaai Courant

Blog: Plastiek - nóg 'n kusmoordenaar

Published: 07 October 2016
By:Gansbaai Courant

Kus- en Mariene bewaringsbewustes in die wêreld verenig jaarliks op Internasionale Kusopruimingsdag om ‘n bydrae tot die voorkoming van mariene-uitwissing deur plastiekware af te skaal.

Vanjaar het die dag op 17 September 2016 geval. Inligting wat op hierdie wyse versamel word, word na ‘n nasionale- en internasionale databasis  gestuur. Vanjaar het ‘n paar groepe onder leiding van Gansbaai Toerisme en Dyer Island Conservation Trust (DICT) saamgestaan en op drie areas gefokus: Uilenkraalsmond by die brug op die R43, Gansbaai Karavaanpark (hawe-gebied) en Stanford’s Cove het deel uitgemaak van die plaaslike inisiatief.

DICT met die samewerking van die skolebewaringsgroep vanuit Masakhane, Deep Blue,  Internasionale vrywilligers, Overstrand Munisipaliteit en Gansbaai Toerisme het gesamentlik twee en twintig sakke vullis (115.9 kilogram) opgetel as hul bydrae om ‘n verskil in hierdie area se kuslyn te maak.

Die groepe het hoofsaaklik glas en plastiek in hierdie gebiede opgetel.

Dit kom as geen verrassing indien statistieke van sowat 5.25 triljoen plastiekitems in aanmerking geneem word  nie. Honderd-duisende mariene spesies vrek jaarliks as gevolg van plastiekitems en verstrikking – en hierdie getal berus net op diê spesies wat gevind word. Hieruit blyk dat minstens twee derdes van die wêreld se visvoorraad onder die inname van plastiek deurloop.

Raak betrokke

Die sleutelwoord hier is om die gebruik van plastiek vandag nog te staak.

Negentig persent van daaglikse menslike gebruik  bestaan uit kruidenierssakke, plastiekverpakkingsmateriaal, plastiekeetgerei, strooitjies en ander plastiekartikels, wat met herwinningsmateriaal vervang kan word. Elke enkele  poging tot die bewaring van ons omgewing, maak wel ‘n verskil.

Recent Posts

Lojale SAPD-lid se s...
Published: 18 August 2017
By: Gansbaai Courant

Polisiemanne is verslae na die skielike dood van &...

Meester-skrywers
Published: 18 August 2017
By: Gansbaai Courant

Gansbaai se twee getoë Strandvelders en ook k...

Vermiste op see stee...
Published: 18 August 2017
By: Gansbaai Courant

 ‘n Man, vermoedelik van Mosselbaai, wa...

Vyf droom... en een ...
Published: 18 August 2017
By: Gansbaai Courant

Vyf finaliste het oor ‘n splinternuwe motor ...