Skelm teer sy pad terug selle toe
‘n Ou skelm het Maandag spreekwoordelik in die leeu se bek ingestap toe hy ‘n...
‘n Gesin van Franskraal Karavaanpark, slegs met die klere wat hulle aangehad het, kon Dinsdagaand, 27 September 2016 kort na 21:00 net geskok staan en kyk na smeulende as waar hul huis gestaan het voordat hulle vroeër die aand uitgegaan het.
Hendrick en Natasha Bodensteyn van Franskraal Karavaanpark het dié aand besluit om uit te gaan. Hulle drie jong kinders, De Wet (11), Nathen (1½) en Henco (5 maande) het saam met hulle gery.
“Ek het geen idee wat die brand kon veroorsaak het nie en het net van die bure verneem dat dit ‘n hewige brand was wat die hele huis baie vinnig in puin gelaat gelaat,” het ‘n geskokte Hendrick gesê.
Die brand het so hewig gewoed, dat die bure, JJ en June Malan ook skade soos gebrande balke, elf gebarste ruite en swartgebrande mure en ander skade ondervind het.
Die gesin is deur vriende onderdak geneem en kort daarna het ander inwoners warm klere begin aandra.
Indien enige persoon met klere of ander hulpmiddels behulpsaam wil wees, kan Hendrick by 084-237-8159 geskakel word.
Met die ter perse gaan van hierdie berig was die oorsaak van die brand nog onbekend.
